Noticias

Hona hemen Literaktum jaialdiaren bigarren asteari dagokion laburpena. Gogoratu nahi dizuegu beste bi ekitaldi ditugula aste honetan: maiatzaren 22an, Laura Gallego idazleak El libro de los portales lana aurkeztuko du Aiete Kultur Etxean (17:30:ean); ostegunean, maiatzak 23, Ernest Lluch Kultur Etxean arituko dira Roger Wolfe poeta eta Rafael Berrio musikaria Variaciones ekitaldian (20:00etan).

Eguraldi txarra aurreikusi denez, aldaketa batzuk daude maiatzaren 18ko ekitaldietan: Musika Parkean bertan behera geratuko da (Naica + coffe&wine) eta Poesia Urumea Bazterrean ekitaldia Loiola Kultur Etxean egingo da.

Maiatzaren 8an abiatu zen Literaktum jaialdia. Gaur, maiatzaren 15ean bigarren asteko lehen hitzordua dugu: Kristalezko begi bat aurkeztuko dute Miren Agur Meabe egileak eta Uxue Alberdik Liburutegi Nagusian eta bihar, Maiatzak 16, Vicente Verdúk hitzaldia eskainiko du San Telmo Museoan (El timo de la crisis tratada como maldición divina). Jesús Torquemadak aurkeztuko du.