• Harremanetarako

• es
• fr
• en

Bila ezazu zure liburutegia

Ongi etorri Donostiako Udal Liburutegien Sarera.

Ziur zure etxetik gertu liburutegi bat aurkituko duzula.

Bila ezazu zure liburutegia

Zer aurki dezakezu?

• Liburuak, ipuinak, aldizkariak, komikiak, CDak, filmak, CD-ROMak... pilaka, liburutegian kontsultatu edo maileguan etxera eramateko.
• Entziklopediak, hiztegiak...
• Aldizkariak, adin guztietako pertsonentzat.
• Ordenagailuak, jolasean aritu, lanak egin eta interneten ibiltzeko.
• Jarduerak, ikasi eta ondo pasatzeko.
• Beti ere, liburutegiaren nondik norakoak erakusteko edo behar dena eskuratzeko prest dauden liburutegiko langileak. 

Egin zaitez bazkide

 

Liburutegiko txartela lortzeko, inprimakia bete eta edozein liburutegitan entregatu. Gurasoen edo tutoreen baimena beharrezkoa da.

Txartela doan ematen da. Txartelarekin hainbat gauza eraman ditzakezu etxera (liburuak, cd-ak, dvd-ak, bideoak) eta liburutegietako ordenagailuak erabili ahal izango dituzu.

Bazkide-txartela

Zer eraman dezakezu etxera?

Gehienez 5 liburu, 3 CD, 3 CD-ROM eta 3 DVD eraman ditzakezu. 3 aste eduki ditzakezu eta epe horretan ez baduzu bukatzeko astirik eduki, bi bider luzatu ditzakezu, gogoratu epearen barruan  eskatu behar duzula luzapena.

Interneten nabigatzen

Liburutegietan erabilera askeko ordenagailuak aurkituko dituzu Interneten nabigatzeko, posta elektronikoaren bidez mezuak bidaltzeko, cd-romak kontsultatzeko...

Zerbitzu hau erabiltzeko, liburutegiko bazkide izan behar duzu eta zure gurasoek inprimaki bat bete eta sinatu behar dute.

Interneten nabigatu nahi baduzu lekua erreserbatu behar duzu, egunean 30 minutu erabiltzeko aukera duzu.

 

 

Gomendatzen dizkizugu Interneten nabigatzeko eta ondo pasatzeko guneak

Zure gurasoei baimena eskatu Interneten nabigatzeko, gonbidatu zurekin nabigatzera

Inoiz ez eman ezezagunei zure informazio pertsonala

Zein jarrera izan behar duzu?

Liburutegia gune publikoa denez gero, edonor sar daiteke eta liburutegiak eskaintzen duen guztiaz gozatu, bere lagun edo familiartekoekin batera. Baina guztiok, eroso egon gaitezen, honakoak bete behar ditugu:

• ibili, korrika egin gabe.
• hitz egin, oihurik egin gabe.
• liburutegiko materiala (liburuak, aldizkariak, CDak, CD-ROMak, DVDak...) kontu handiz erabili, puska baitaiteke.
• ez jan, ez edan.
• gainerako pertsonak errespetatu.

Jarduerak

Adin guztietako haurrentzako jarduerak eskaintzen dira: ipuinaren orduaren saioak, eskolentzako bisita gidatuak, erakusketak...

Bularretik mintzora

Haur Liburutegi Nagusiak eta Amarako Ernest Lluch Kultur Etxeko Liburutegiak Galtzagorri elkarteak sortutako programa honetan parte hartzen dute. Egitasmoa haur txikiei, bere guraso eta hezitzaileei zuzenduta dago.

Bere helburu nagusia 0-6 urte bitartekoen artean irakurketa ohiturak sustatzea da, ume horien inguru naturalak kontuan hartuta: etxea, eskola eta liburutegia.

Gomendioak

Irakurtzeko uda 2012

Donostiako Udal Liburutegien Sareak egindako gida. 0 eta 100 urte bitarteko irakurleentzako irakurketa-gida, eta aurten argitaratutako 160 izenburu  biltzen ditu. Euskaraz eta gaztelaniaz, eta adin-taldeen arabera antolatuta.

 

 

 

Lo + 2012

Fundación Germán Sánchez Ruipérez.

 

 

 

 

 

Neguko gida 2012

Debagoieneko Udal Libururutegiek egindakoa.

 

 

 

 

Haurtxoteka

Haurtxoteka euren guraso edo arduradunez lagundutako 0 eta 5 urte arteko haurrei zuzendutako zerbitzua da. Espazio erosoa, maileguan eraman daitekeen dokumentu-sorta hautatua, ipuinei buruzko hitzaldiak eta liburutegiko profesionalen arreta eskaintzen du.

Haurtxoen harreman goiztiarrak liburuekin irakurketaren inguruko jakin-mina eta gogoa sortzen laguntzen du. Helduen papera funtsezkoa da irakurtzeko uneak bereziki atseginak izan daitezen.

 

Iradokizun hauek egiten dizkizuegu:

• giro egokia sortzea, ahots baxuarekin hitz eginez eta irakurketak aurreratuz.
• zuen denbora eskaintzea. Adin horietan irakurketa beti partekatua izaten da.
• ez luzatu liburutegiko denbora.

Gurasoek, badakite?

Gurasoek zeregin garrantzitsua duzue liburutegian. Seme-alabekin etortzera eta irakurle onak bilakatzeko bidean laguntzera gonbidatzen zaituztegu. Gainera, haurtzaroarekin lotuta dagoen informazioa eta liburuak beti duzue eskura; hezkuntza, osasuna, elikadura, eta abar.

Aldiro, zuen seme-alabeei eskaintzen zaizkien aukeren inguruko hitzaldiak eta topaketak antolatzen dira.

Liburutegiak duen Internet zerbitzuari buruzko alderdiak ezagutzea garrantzitsua da.

• Haurrek pertsona helduen eskubide berak dituzte liburutegiko informazio eta zerbitzu guztiak erabiltzeko, Internet barne.

• Internetek informatika-baliabide eta aisia-baliabide asko eskaintzen duen arren, material ez aproposak ere aurki daitezke bertan (pornografia, arrazakeria, indarkeria, etab.). Adingabeak ahal den neurrian mota horretako materialetara ez sartzeko, liburutegiak iragazki bat jarri du.
• 6 urtetik 14 urtera arteko erabiltzaileek liburutegian Internet erabili nahi badute, aurretik gurasoen edo tutoreen baimena izan beharko dute.
• Inoiz ez dutela informazio pertsonalik eman behar irakatsi behar zaie, identifikatzea eta izena emateko edo etxeko datuak iturri ezezagunei emateko gonbidapenak egotea litekeena da.
• Liburutegiak aurretik hautatutako orrien programa bat egin du, eta programa horrek gaika antolatutako guneak dituen menu bat du.
• Liburutegiak ez du Internet erabiltzen irakatsiko, oinarrizko laguntza soilik emango du.
• Gurasoak edo tutoreak haurrekin joaten badira liburutegira, beren bilaketetan lagundu ahal izango diete eta Internet nola erabiltzen duten ikuskatu ahal izango dute. Era horretara, haurrek tresna hori zentzuz erabil dezaten hezten arituko dira.