• Harremanetarako

• es
• fr
• en

Okendo Kultur Etxeak eutsi egin zion bertara datozenen eta bertako jarduera eta zerbitzu askotarikoez baliatzen direnen kopuruari.

Trakets taldea Santo Tomas egunean.

Jardueretan izaten den parte-hartze handiak (Osasun Astea, Mendi eta Izadi Zikloa, Bideoforum alemana, Abesbatzak, Poltsiko Antzerkia, Kale Antzerkia, Haurrentzako antzerkia, literatura-solasaldiak) bihurtu ditu jarduerok auzoko eta Kultur Etxeko bertako erreferente.

Auzoko elkarteekiko harremanak errazak eta naturalak izan ziren 2011n ere, hala kultur etxeko aretoen lagapenean nola auzoko jaietako lankidetza eta partaidetzan; hainbat jarduera egin ziren: musika-kontzertuak San Juan eta Santo Tomasetan, antzerki-lanak eta haurrentzako jarduerak.

Areto berriko erakusketekeutsi egin zioten maila altuari, eta erakusketa ederrak egin ziren: Gipuzkoako ilustratzaileak, Chema Madoz, Iñigo Manterola, Aitor Ruiz de Eguino, ONCE eta Juan Sukilbide.

DK Literaura solasaldia.

Iñigo Manterolaren erakusketa.

Eraikin zaharreko aretoak ere eutsi zion bere espirituari, eta jende asko hurbildu zen bertara urtero errepikatzen diren lanez gozatzera: ikastaroetako partaideen lanak, Bide-hezkuntza eta bertako artisten lanak.

Ezin nabarmendu gabe utzi Beldurrezko eta Fantasiazko Zinemaren Astearekiko lankidetza, Tommy Malki Malakias eta Vicente B. Ballestar-en erakusketen bidez, eta nola inplikatu ziren Kultur Etxeko zerbitzuak zinemaldi horrekin zerikusia zuten jardueretan; esate baterako, Gros-eko Gazteleku-Haurtxokoak antolatutako Beldurraren gazteluan.

Haur Antzerkia.

Günter Wallraff Literaktum Jaialdian solasean.

Zerbitzu integratuek ―Liburutegia, KZgunea, Gaztelekua/Haurtxokoa eta Plus 55― ondo funtzionatzen jarraitu zuten, bai jendeari eskaini zitzaion arretaren aldetik eta bai egindako jardueren arrakastaren eta Kultur Etxearekiko lankidetzaren aldetik.

• Bisitariak: 242.441