Camerata ad hoc Carmen Linaresekin

Emanaldia espaniar musika herrikoiean (garaikide zein antzinakoan) oinarritzen da. Federico García Lorca-k herri-doinuen artetik jasoak ditugu abesti hauetako batzu. Idazlearen joran musikologoak eta haren berezko sentierak bultzatu zuten andaluziar leloen bilketara. Emanaldiko lehen jokaldia Carmen Linaresen ahots paregabeak segurtatzen du benetako doinu flamenkoen bitartez. Hunkipenak, herriaren zirradak ez die, seguru, cantaora bikain horri kale egingo.

Camerata ad hoc ez da musikari berberatako taldea: musika bizitzeko eta ulertzeko jokaera da. Entzulego zein musikajoleentzat bilera bakoitza (dela entsegua, dela emanaldia), gozamen hutsa bilaka dadin asmoa dugu haren bereizgarrietako bat. Musikajole ezagun eta ezagunkizun diratekeenen gomita da beste bat; bai eta haientzako jatorrizko partiturak edota haien moldaketa bereziak ere. Carmen Linares dugu aldi honetan gomitatua. Julio Blasco, berriz, Camerataren zuzendaria. Bada, haren jatorrizko zenbait obra eta ad hoc idatzi herriabesti batzu (talde honetarako bereiziki moldatuak) ditugu egitarauan.

Kolaboratzailea: Asociación de Cultura Musical de San Sebastián