Lugaritz Kultur Etxea hiriak duen nortasun handieneko auzo batean dago kokatuta.

Kultur Etxe hau 1993an egin zen eraikin berri bat da eta izandako ibilbideak auzoko erreferente bihurtzeaz gain, eskaintzen duen arte eszeniko programa dela eta hiri osorako erreferente ere bada.

Antiguoko merkatu zaharra erabilera anitzeko areto gisa moldatu eta auzoko elkarte askok beren jarduerak bertan garatu ahal izan dituztenez, Antiguon gizarte, kultur eta kirol parte-hartze giroa sortzea lortu da.