Bihar, apirilak 22, Kandido Urangak “Miranderen inguruan” bere lan berriaren estreinaldia eskainiko du Ernest Lluch Kultur Etxean. Ekitaldia areto nagusian (Anoeta Estadioko 8. atearen aldamenean) izango da 19:30ean hasita.

Jon Mirande euskal literaturaren egile nagusienetako bat da. Bide berriak ireki zituen eta bere ausardia ez zen garaiko (ez geroko) mugatan geratu. Kandido Uranga urteetan egon da Miranderen obran murgilduta, bere testuetatik abiatuta pertsonaia konplexu honen perfil dramatizatua sortu ahal izateko. Kandido Urangak Fran Lasuenen zuzeneko musikaz aberastu du “Miranderen inguruan”.

Ekitaldi hau Erakusleihoa programaren barruan antolatu da.