Aste Santuan bete-betean sartu garen honetan, datozen hamabost egunetako egitaraua biltzera goaz ohar honetan. Antzerkia (Las vacaciones de Josefa, Philippe Genty eta Circus Klezmer) eta musika (La Habitación Roja, Chain & The Gang, Brant Bjork, Celtas Cortos) nagusi.

La agenda del 29 de marzo al 12 de abril. Este apunte en castellano.

Antzerki-eskaintzak hiru hitzordu ditu datozen egunetan: Las vacaciones de Josefa antzezlana ekarriko digu Txalok apirilaren 2tik 4ra Antzoki Zaharrera; Philippe Gentyk sortutako Voyageurs Immobiles dastatzerik izango dugu apirilaren 9an eta 10ean Victoria Eugenian; amaitzeko, apirilaren 10ean, Circus Klezmer izango dugu Egiako Gazteszena aretoan.

Zineman, berriz, gaur, martxoak 29, Ernest Llucheko bideo-forumean El hombre de Alcatraz (Birdman of Alcatraz, 1962) ikusteko parada dugu. Toki berean, apirilaren 12an, Pedro Almodovarren Todo sobre mi madre (1999) filma proiektatuko dute eta Casares-Tomasene Kultur Etxean Shakespeare enamorado (Shakespeare in love, 1998).

Musikaren falta ez dago egitarauan. Bihar, martxoak 30, Gaztemaniak berpiztuaren Donostiako lehen emanaldia dugu Egiako Gazteszena aretoan: La Habitación Roja eta Peachy Joke taldeak. Chain & The Gang egongo da Le Bukowskin apirilaren 6an,  Donostikluba Zirkuituaren barruan, eta Urban 13 (Urban Donostikluba Sessions) apirilaren 10ean Bidebietako Kontadores gunean. Kartel hirukoitza apirilaren 9an Altzan: Brant Bjork, Arenna eta The Dirty Pink Ladies. Apirilaren 11n, berriz, Celtas Cortos Victoria Eugenian, Cadena 100 irratiaren eskutik.

Haurrei zuzendutako jarduerei dagokienez, Piedra a piedra antzezlana izango dugu Okendo Kultur Etxean eta Winkyren zaldia (2005) filma Lugaritzen apirilaren 10ean, ahaztu gabe apirilaren 11ra bitarte ekitaldi eta ordutegi bereziak izango dituztela Urgulleko zerbitzuek: Natur Txokoa, Liburutegia eta Historiaren Etxea.

Hona hemen apirilaren 5etik apirilaren 12ra bitarteko agenda, baita haurren agenda berezitua ere.