Alber Vazquez idazleak Mediohombre eleberria aurkeztuko du, datorren otsailaren 11an, iluntzeko 19:30an, Alde Zaharreko Liburutegi Nagusiko Ekitaldi aretoan (sarrera San Jeronimo kaletik). Egilea, Ander Izagirrerekin batera, solasean arituko da Blas de Lezo itsasgizonaren abenturetan oinarritzen den liburuaren inguruan. Amaieran, idazleak liburu aleak sinatuko ditu.

Solasaldia DK Literatura programan antolatzen da, Donostia Kultura eta Gipuzkoako Liburudenden Elkartearen ekimenari esker.

Egilearen argazkia eta liburuaren azala jaso nahi baduzue, jo donostiakultura.com-eko dossierren atalera.