Gaur, abenduak 4, iluntzeko 20:00etan Lugaritz Kultur Etxeko Imanol Larzabal Aretoan Joan Isaacek eta Luis Eduardo Autek eman beharreko kontzertua bertan behera geratu da, Luis Eduardo Autek, aire-kontrolatzaileen auzia dela eta, ezin izan duelako abioirik hartu. Hori dela-eta, Donostia Kulturak barkamena eskatu nahi du sortutako eragozpenengatik.

Sarreren itzulketei dagokienez, sarrerak erosteko erabilitako kanal beraren bitartez itzuliko dira.  Kutxaren kanalen bidez (TeleKutxa, ServiKutxa eta www.kutxa.net)  erosi zituztenei, automatikoki itzuliko zaie dirua. Leihatila ezberdinetan erositako sarrerak, aldiz, aipatu leihatiletan itzuliko dira abenduaren 9tik aurrera.