Bihar larunbata, urriak 16, Quelli Di Grock taldeak bere Sin cola ikuskizuna aurkeztuko du Lugaritz K.E.ko Imanol Larzabal Aretoan arratsaldeko 6etan.

Ikuskizun honetan, bi lagunen arteko topaketa kontatzen zaigu: istorioak idaztea maite duen mutil bat -Andersen gazte bat, agian- eta neska misteriotsu bat, etxola moduko batean bizi dena, hondartza galdu batean. Mutilak, herriko jakintsu zaharraren ahotik sirenei buruz entzun izan dituen istorioek harriturik, uste du neska haietako bat dela; izan ere, gerriraino baizik ez da agertzen, eta mutilak ezagutzen ez duen hizkuntza batean hitz egiten eta kantatzen du.

Sarrerak (3, 5 euro), salgai daude Victoria Eugenia eta Antzoki Zaharreko leihatiletan, Lugaritzeko leihatilan funtzio egunean, baita Kutxaren ohiko kanaletan ere (Telekutxan, Servikutxan eta kutxa.net webgunean).